Cada vez hai máis galegofalantes no mundo. 

Pero o feito de estarmos espallados non nos impide coñecernos e intercambiar intereses comúns.

Tanto se o falaches desde cativo como se o estás aprendendo agora tanto na Galiza como en calquera outro lugar, podes formar parte da nosa comunidade virtual para entrar en contacto, romper o xeo e aprendermos así uns dos outros pasándoo ben.

Podes sumarte aos nosos encontros virtuais, participar nas nosas convivencias de inmersión lingüística, ou mesmo asistir ás aulas en liña onde atoparás un método adaptado ás túas necesidades. 

E para ti, que xa o falas desde fai tempo, ou desde sempre, atoparás moita xente desexando terte de interlocutor, polo mero feito de teres a sorte de falares en galego. 

Non te quedes coas ganas, somérxete no galego.